Sangkaparokyaan a panag-Rosario nanggibus iti Bulan ti Rosario
Naigibus iti Bulan ti Rosario ditoy parokya ni Nuestra Seńora de Lourdes, Alilem, Ilocos Sur idi Oktubre 30, 2011. Sakbay ti rambak-Misa, nagkararag dagiti pumarokya iti Santo Rosario. Ditoy nga impeksada dagiti kayatda a dawaten iti Apo babaen iti panangibabaet ni Apo Santa Maria.
Inpalawag ni Fr. Arwin Romulo Rebollido, kura paroko, ti pateg iti panag-Rosario babaen iti panangiparangna iti Third Secret of Fatima. Inistorya ti kura paroko a kiniddaw ni Apo Santa Maria a nagparang idiay Fatima, Portugal idi 1917 ti masansan a panag-Rosario tapno maikanawa ti lubong iti nakaam-ames a didigra ken tapno umapay ti kappia ditoy lubong. (*)
No comments:
Post a Comment