DAMDAMAG PAROKYA

38 a babbai ginungunaan ti TESDA

Oktubre 28, 2011 - Nagturpos   dagiti 38 a babbai ditoy Alilem, Ilocos Sur iti kurso a Dressmaking and Tailoring nga inpaay ti Technical Education and Skills Development Authority (TESDA). Naaramid ti panagsanay ken panagturposda ditoy konbento-parokya.

   Adda ababa a programa a naangay iti Closing Ceremony iti  nasao a panagadal. Ditoy a naiyawat dagiti Certificates of     Training kadagiti nagturpos. Naggapu daytoy iti Caritas Nueva Segovia ken TESDA a pinirmaan ni Mr. Joel Pilotin, CEO Provincial Director ti TESDA, Mr. Rodolfo dela Cruz, Trainer, Fr. Arwin Romulo Rebollido, kura paroko, ken ni Most Rev. Ernesto A. Salgado, D.D., arzobispo ti Nueva Segovia.

   Nailanad kadagiti certificates ti  List of Competencies:

· Participate in workplace communication

· Work in team environment

· Practice career professionalism

· Carry out measurement and   calculation

· Set up and operate machine/s

· Perform basic maintenance

· Apply quality standards

· Draft and cut pattern of casual apparel

· Prepare and cut materials of casual apparel

· Sew casual apparel

· Apply finishing touches on casual apparel

   Napalalo ti ragsak dagiti nagturpos gaputa kaadduan kadakuada ket   damoda ti agiggem iti makina a pagdait  ken awan a pulos ti ammoda iti panagaramidan ti kawes. Gapu ti   certificate nga inawat ti tunggal maysa, mabalindan ti sumrek iti trabaho wenno ipakatda ti ammoda idiay ballasiw-taaw. Ngem gaputa ababa laeng a kanito ti panagadalda (sangapulo nga aldaw) naipalagip  kadakuada a masapul a sanayenda pay a nalaing ti inadalda.

   Ngarud naibati pay laeng dagiti  makina iti Dap-ayan Parokya tapno adda usarenda nga agsursuro.

   Iti naangay nga ababa a programa sakbay a nairugi ti panagadal idi Oktubre 17, 2011, kinuna ni Mr. Pilotin a mabalin a makatulong ti adalenda tapno mapasayaat ti panagbiagda. Innayon met ni Sr. Lilian Caranza, OSB, mangimatmaton ti   Caritas Nueva Segovia, a masapul a lalaingenda nga adalen ti maisuro gaputa maysa daytoy a tulbek iti panagdur-as.

   Maipalagip a daytoy a proyekto ket nagbalin a bendisyon iti parokya gapu iti pannakipaset dagiti pamilya iti Pondo ng Pinoy. Maysa daytoy a gannuat a manglagip kadagiti         napanglaw iti pagiliantayo ken adda aramiden ti tunggal pamilya apangtulongkadakuada. Urnongenda dagiti “maregmeg” wenno sinsilyo a sagbibinting ket maited dagitoy iti opisina ti Caritas Nueva Segovia.

   Manamnama nga agtultuloy pannakipaset dagiti pamilya iti Pondo ng Pinoy tapno maip aayto pay dagiti sumarsaruno a vocational courses ditoy ilitayo nga Alilem. (*)