BARO NGA AUXILIARY BISHOP NAORDENAN

   “UT VITAM HABEANT” (“That they may have life, and have it more abundantly”).

   Daytoy ti motto ni Most Rev. David William Valencia Antonio, D.D. ti kaor-orden nga Auxiliary Bishop iti arkidiosesis ti Nueva Segovia idi Agosto 26, 2011 idiay St. Paul  Metropolitan Cathedral, Vigan City.

   Ti Nasantoan a Misa ken rito ti Ordinasyon ti kinaobispo ket indauloan ni His Excellency Archbishop Giuseppe Pinto, ti agdama a Papal Nuncio to the Philippines. Kadduana a  co-consecrators da Most Rev. Ernesto Salgado, D.D.,       arzobispo ti Nueva Segovia ken ni Most Rev. Orlando Quevedo, OMI, ti arzobispo ti Cotabato. Nakipaset met ditoy dagiti 13 pay nga Obispo a pakairamanan ti in-coming   president ti Catholic Bishops’ Conference of the Philippines a ni Archbishop Jose Palma ti Cebu ken ti in-coming vice president a ni Archbishop Socrates Villegas ti Lingayen-Dagupan.

   Ad-adda pay napangayed ti ramrambak gapu ti             pannakipaset ti agarup 400 a papadi iti amianan a Luzon a kaadduan kadagitoy ket nagbalin nga estudyante ni Bishop Antonio. Adda met dagti papadi ti Nueva Segovia        pakairamanan dagiti naggapu iti ballasiw-taaw. Nakidar-ay met dagiti delegados a naggapu kadagiti amin a                par-parokya ditoy Nueva Segovia kas panangipakita ti     suporta iti kabarbaro nga Obispo.

   Naituloy ti ramrambak iti reception idiay Immaculate    Concepcion Minor Seminary, Vigan City, Ilocos Sur.

   Uppat laeng a pumarokya ditoy Nuestra Seńora de Lourdes, Alilem, Ilocos Sur ti nakipaset gapu ti adu a     pakakumikoman ti kaadduan. Inburay dagiti nakipaset ti kapadasanda iti naangay a Patangan-Parokya XXXI idi Agosto 28, 2011. Ditoy a nakita ti ragsakda gapu ti         nagpaiduma a kapadasanda. Agpapadada ngamin nga    agdadamo a makaimatang iti nasao a pasamak. Innayon met ni Fr. Arwin Romulo Rebollido, kura paroko, nga        nakalalagip ti napasamak nga ordinasyon gaputa nabayag a tiempon ti naudi nga adda napili ken naordenan nga Obispo ditoy Nueva Segovia.

   Ni Apo William kas Auxiliary Bishop ket katulungan ni Archbishop Salgado a mangimaton ti arkidiosesis iti Nueva Segovia. Inbinsa-binsa ti kabarbaro nga Obispo iti balikas a pagyamanna iti Misa nga agkurno iti turay ken         pangngeddeng ni Apo Erning. Inkiddawna met nga ituloytayo ti panangikarkararag kenkuana. (*)